Matthew Clarke yw jornalyas hag a ober der radyo yn Kernow. Ev re skrifas lies kan y’n taves ha’ga seni gans y vagasow Skwardya ha Krena. Krena a waynyas Kesstrif Kan PanKeltek 2005, hag yth esa bri meur a-hys an bys dhe Skwardya 2006 pan dorras hwedhel a-dro dhedha ow kana Beatles der Gernewek. Kyns es dalleth Nowodhow an Seythen ha Radyo an Gernewegva, Matthew a skrifas nowodhow yn Kernewek warlinen dres lies bledhen, ha gwiasvester o gans gwiasva Kowethas an Yeth Kernewek: Warlinenn. Hag ev owth oberi gans an Kowethas, ev a dreylyas lavar dhe Gernewek rag askororyon The Simpsons. ‘Rydhsys rag Kernow lemmyn!’ veu kriys gans Lisa Simpson yn dyllans arbennik an dowlen Nadelik 2004.

---

Benjamin Bruch re dheskas Kernewek dres moy es deg bledhen yn Amerika hag yn Europ. Yma va lemmyn owth oberi yn Pennskol Vienna avel Professor Gwester a Yethonieth Eyndo-Europek.

---

Albert Bock a dhysk Bretonek Kres hag Arnowyth yn Pennskol Vienna. Ev a skrifas Deskrifans Sodhogel an Furv Skrifys Savonek yn unn gesoberi gans Benjamin Bruch. Kyns, yth o va gwiasvester www.dasunys.net.